सुर्खेत, असार २८ । सुर्खेतको भेरीगंगा नगरपालिकाले आउँदो आर्थिक वर्षदेखि एकीकृत सम्पत्तीकर लागू गर्ने भएको छ ।
गाउँ विकास समितिहरु मिलाएर बनाइएको नयाँ नगरपालिका भेरीगंगाले आर्थिक वर्षको शुरुमै साउन एक गतेदेखि एकीकृत सम्पत्तीकर लागू गर्ने भएको हो ।
सञ्चार माध्ययममार्फत् सार्वजनिक सूचना जारी गर्दै भेरीगंगा नगरपालिकाको कार्यालयले अव नगरपालिकामा सेवा लिन पुग्दा आफ्नो जग्गाको जग्गाधनी पुर्जा, नेपाली नागरिकताको प्रमाणपत्र लिएरमात्रै आउन अनुरोध गरेको छ ।
साथै एकिकृत सम्पति कर नबुझाएमा नगरपालिकाले प्रदान गर्ने सवै सेवा सुविधा रोक्का राखिने भेरीगंगा नगरपालिकाका सूचना अधिकारी कुलबहादुर खड्काले बताए ।
यद्यपी, समयमा नै एकिकृत सम्पति कर बुझाएमा १० प्रतिशत छुट हुने पनि उनले बताए । नगरपालिकालाई व्यवस्थित र विकासील बनाउनका लागि सवैको भूमिका रहनुपर्ने भएकाले सवैले साथ दिनुपर्ने खड्काले बताए ।
