स्थानीय निकायको चुनाव सरकारले बनाउँछ : राज्यमन्त्री शाही

दैलेख २२ मंसिर । 

स्थानीय विकास राज्य मन्त्री कुन्तीकुमारी शाहीले स्थानीय निकायको चुनाव सरकारले संवैधानिक ब्यवस्था अनुसार गराउने बताउनु भएको छ । स्थानीय निकायको चुनाव गराउन सरकार गम्भिर भएको भन्दै स्थानीय निकायको चुनाव अघि जनताको काम छिटो छरितो रुपमा गर्न नारायण नगरपालिका दैलेख र जिल्ला विकास समिति दैलेखका कर्मचारीहरुलाई निर्देशन समेत दिनु भयो । मन्त्री शाहीलाई जिविस दैलेखका स्थानीय विकास अधिकारी हरि प्याकुरेल र नारायण नगरपालिकाका कार्यकारी अधिकृत भक्तबहादुर मल्लले कर्मचारीहरु सहित छुट्टा छुट्टै स्वागत गरेका थिए । जिल्लाले मन्त्री पाएकोमा स्थानीयहरु हर्षित भएका छन् । जिल्लाबासीबाट स्वागत तथा बधाई कार्यक्रमपछि मन्त्री शाही जनताको संविधान जनताकै माझमा विषयक कार्यक्रममा सहभागीता जनाउनु भएको थियो ।