सुर्खेतमा एक युवतीमाथी सामुहीत वलात्कार

सुर्खेत, २४ मंसिर

सुर्खेत तरङ्गा घर भएकी १८ वर्षीया एक युवतीमाथि वीरेन्द्रनगरका तीन युवाहरुले सामुहिक बलात्कार गरेका हुन् । बलात्कारमा संलग्न तीनै जनालाई प्रहरीले पक्राउ गरेको छ । सुर्खेत बसपार्कबाट जीपको टिकट काटेर घर जान लागेकी ती युवतीलाई युवाहरुको एक समूहले घर पुर्या‍इदिने भन्दै जबर्जस्ती मोटरसाइकलमा राखी काँक्रेविहारको जंगलमा लिएर सामुहिक बलात्कार गरेको रहस्य खुलेको छ । काँक्रेविहारको जंगलमा बलात्कार गरेपछि युवतीलाई पुनः वीरेन्द्रनगर–१ मा रहेको कृष्ण सामुदायिक वनमा लगेर बलात्कार गरेपछि त्यहीँ छोडेर भागेका थिए । घटना आइतवारको भएपनि पीडित युवतीका आफन्तहरुले छोरीको खोजी गरिदिन भन्दै निवेदन दिएपछि मात्र प्रहरीले उहाँको खोजी सुरु गरेको थियो । त्यही क्रममा प्रहरीले पीडित युवतीलाई कृष्ण सामुदायीक वनमा फेला पारेर उहाँको उद्धार गरेको छ । पीडित युवतीले किटानी जाहेरी दिएपछि बलात्कारमा संलग्न तीनै जनालाई पक्राउ गरिएको जिल्ला प्रहरी कार्यालय सुर्खेतले जनाएको छ । प्रहरीका अनुसार बलात्कारको आरोपमा वीरेन्द्रनगर–१ का ३० वर्षिय टोपबहादुर गुरुङ्ग, ३१ वर्षिय विनोद जिसी र ३१ वर्षकै शेरबहादुर केसीलाई पक्राउ गरिएको छ ।