सुर्खेत कृर्षिले परिचित

सुर्खेत, २८ मंसिर । 

कृषि र पशुपालनका लागि सुर्खेत जिल्ला सवैभन्दा उत्तम जिल्लाको रुपमा परिचित हुन थालेको छ ।

अरु ठाउँ भन्दा सुर्खेतको वातावरण राम्र्र्रो रहेकाले कृषि र पशुपालनबाटै आत्मनिर्भर भई समृद्धितर्फ जानसक्ने धेरै आधार रहेका विज्ञहरुले बताउन थालेका हुन् । सुर्खेतको भूमि कृषि क्षेत्रका लागि प्रचुर सम्भावनायुक्त रहेको भौतिक तथा जीवविज्ञानका ज्ञाता १००८ डाक्टर वैष्णव कृष्णदासले बताउनुभएको छ । उहाँले सुर्खेतको हावापानी कृषिका लागि उपयूक्त भएको भन्दै सुर्खेतमा एक बर्षमा तीन बाली भि¥याउन सकिने बताउनुभयो । बनस्पति विज्ञसमेत रहेका कृष्णदासले आफू गर्मी र जाडो दुवै समयमा सुर्खेत आएकाले उर्वर भूमिमा कृषि क्रान्ति गर्न सकिने बताउनुभयो । 

                                                   उहाँले अन्य क्षेत्रहरुसँग कृषि उद्यमलाई जोडेरसमेत कृषि पर्यटन प्रवद्र्धनमा गर्न सकिने बताउनुभयो । सुर्खेत गाईपालनका लागि पनि उपयूक्त स्थान भएको बताउँदै उहाँले व्यवसायीक पशुपालन गर्न युवाहरु अग्रसर हुनुपर्ने बताउनुभयो । रोजगारीका लागि दैनिक हजारौंको संख्यामा विदेशिनु भन्दा आफ्नै मुलकमा बाजा खेतमा कृषि कर्म गरे देश दश बर्षमै आत्मनिर्भर हुने उहाँले दावी गर्नुभयो । ७० प्रतिशत नेपालीसँग आफ्नै जग्गा रहेको बताउँदै त्यहि जग्गाको सदुपयोग गरि हरित गृह क्रान्ति अभियान मार्फत मुलुकलाई खाद्यान्नमा आत्मनिर्भर बनाउन सकिने बताउनुभयो । कर्णाली क्षेत्रको जडिबुटी संरक्षण मात्रै गर्नसके पनि त्यसबाट अबको पुस्ताले चौतर्फि लाभ लिन सक्ने उहाँले बताउनुभयो । बजारमा अर्गानिक कृषि उपजको माग अत्यधिक रहेको भन्दै सुर्खेतमा अर्गानी खेत गरि यसबाट फाइदा लिन सकिने कृष्णदासको भनाई थियो ।