प्रेस चौतारी दैलेखको अध्यक्षमा : थापा

गोविन्द विश्वकर्मा सुर्खेत, २८ मंसिर 

प्रेस चौतारी नेपाल जिल्ला शाखा दैलेखको अध्यक्षमा पुस्कर थापा सर्वसम्मत चयन भएका छन् । शाखा दैलेखको तेस्रो अधिवेशनले थापासहित १३ सदस्यीय नयाँ कार्य समिति चयन गरेको हो । नव गठिन कार्य समितिको उपाध्यक्षमा भरतराज अधिकारी, सचिवमा कमल शर्मा, सह–सचिव खगेन्द्र कार्की र कोषाध्यक्षमा अनु प्याकुरेल छन् । तीन वर्षे कार्यकाल रहने नयाँ कार्य समितिको सदस्यहरुमा उदयराज अधिकारी, खगेन्द्र राना, प्रेम विसुन्के, चन्द्रा बोहोरा, रमेश भट्टराई, भूमिका मल्ल, नरेश लामिछाने र मन्जु वि क छन् । नयाँ कार्य समितिलाई प्रेस चौतारी नेपालका मध्यपश्चिम उपाध्यक्ष सुरेन्द्र काफ्ले सहितको टोलीले सपथ खुवाएको थियो । अधिवेशनमा प्रेस चौतारी नेपाल भेरी अञ्चल इन्जार्ज वीर बहादुर गिरी, केन्द्रिय सचिव टिका विष्ट, अञ्चल कमिटी सदस्य दिपक बुढा लगायतको उपस्थिती रहेको थियो ।